ນອກ​ແວ ແລະ ເຢຍ​ລະ​ມັນ ຊອກ​ຊື້​ເຮືອດຳ​ນ້ຳຮ່ວມ​ກັນ

     ສຳນັກງານ​ຍຸດ​ໂທ​ປະກອນ​ປ້ອງ​ກັນ​ປະເທດ​ຂອງ​ນອກ​ແວ ແລະ ສຳນັກງານ​ຍຸດ​ໂທ​ປະກອນ, ວິທະຍາ​ການ ແລະ ການ​ສະໜັບສະໜູນ​ລະ
ຫວ່າງ​ປະເທດ​ປະຈຳການ​ ກອງ​ທັບ​ສະຫະພັນ​ເຢຍ​ລະ​ມັນ ໄດ້​ສັ່ງ​ຊອກ​ຊື້​ເຮືອ​ດຳ​ນ້ຳ U212CD ຈຳນວນ 6 ລຳ ຈາກ​ບໍລິສັດ TKMS ຂອງ
ເຢຍ​ລະ​ມັນ ແລະ ອາວຸດ​ປ່ອຍ​ນຳ​ວິຖີ​ຕໍ່ຕ້ານ​ເຮືອ​ໜ້ານ້ຳ NSM Block 1A ຈາກ​ບໍລິສັດ Kongsberg Defence & Aerospace ຂອງ
ນອກ​ແວ ໃນ​ເດືອນ ກໍລະກົດ 2021.

     ໃນ​​ສ່ວນ​ໜຶ່ງ​ຂອງ​ໂຄງການ​ຮ່ວມ​ມື​ເຢຍ​ລະ​ມັນ-ນອກ​ແວ ໃນ​ເວລາ​ນັ້ນ​ໄດ​​້​ສັ່ງ​ຊອກ​ຊື້​ເຮືອ​ດຳ​ນ້ຳ U212CD ຈຳນວນ 4 ລຳ ແລະ ເຢຍ​ລະ
​ມັນ​ສັ່ງ​ຊອກ​ຊື້​ຈຳນວນ 2 ລຳ. ແຕ່​ລັດຖະບານ​ນອກ​ແວ​ໄດ້​ສັ່ງ​ຊອກ​ຊື້​ເຮືອ​ດຳ​ນ້ຳ​ເພີ່ມ​ອີກ 1 ລຳ. ການ​ສົ່ງ​ມອບ​ເຮືອ​ດຳ​ນ້ຳ U212CD ຂອງ​ນອກ​
ແວ ຕາມ​ແຜນ​ຈະ​ມີ​ຂຶ້ນ​ໃນ​ປີ 2029-2035 ໃນ​ລະຫວ່າງ​ນີ້​ນອກ​ແວ​ຈະ​ປັບປຸງ​ຄວາມ​ທັນ​ສະໄໝ​ເຮືອ​ດຳ​ນ້ຳ Ula ຂອງ​ຕົນ​ເພື່ອ​ຕໍ່​ອາຍຸ​ການ​ໃຊ້​
ງານ​ຂອງ​ເຮືອ​ຈົນ​ກວ່າ U212CD ຈະ​ເຂົ້າ​ມາ​ທົດ​ແທນ. ບໍລິສັດ tkms ຂອງ​ເຢຍ​ລະ​ມັນ​ ຄາດ​ວ່າ​ເຮືອ​ດຳ​ນ້ຳ U212CD ສຳລັບ​ກອງທັບ​ເຮືອ
​ຈະ​ຖືກ​ສົ່ງ​ມອບ​ໃນ​ປີ 2032-2034.

     ໃນ​ປີ 2021 ບໍລິສັດ tkms ຂອງ​ເຢຍ​ລະ​ມັນ ໄດ້​ລົງ​ນາມ​ຂໍ້​ຕົກລົງ​ການ​ຮ່ວມ​ມື​ກັບ Kongsberg ຂອງ​ນອກ​ແວ​ ເຊິ່ງ​ຍັງ​ໄດ້​ລົງ​ນາມ​ກັບ​
ກອງທັບນອກ​ແວ ແລະ ເຢຍ​ລະ​ມັນ ​ເພື່ອຈະ​ສົ່ງ​ມອບ​ລະບົບ​ການສູ້​ຮົບ ORCCA ສຳລັບ​ເຮືອ​ດຳ​ນ້ຳ U212CD.

ແຫຼ່ງທີ່ມາ: ໜັງສືພິມກອງທັບ
ວັນທີ 20/06/2024